Bambae Yumi Save Luk Jisas
—Stret long ae blong yumi
Samtaem long fujia bambae yu luk Jisas. Yu stap rere blong samting ya? Baebol i talem se, "Yufala i luk. Naoia nomo, bambae Jisas i kam long klaod. Olgeta man bambae oli luk hem stret long ae blong olgeta." (Revelesen 1:7).
Bambae Yumi Save Luk Jisas Stret long Ae blong Yumi
I gat wan promes long Baebol se bambae Jisas i kamtru bakegen mo ol man oli luk hem.
Maet you luk long Baebol blong yu, blong ridim ol pasis we mi putum long smol pepa ya.
1 Ol ded man God i save wekemap olgeta
Aesea 25:8 Bambae God i mekem we ded i go lus olgeta, mo hem i aotem wora blong ae, mo sem blong sin, mo ol trabol.
Daniel 12:2-3,13 Ol man we oli ded finis, bambae oli laef bakegen blong kasem pei blong olgeta. Long dei ya, sam long olgeta bambae oli kasem panis, mo sam long olgeta bambae oli kasem laef we i no save finis. Man we i kasem laef ya, hem bambae i saen olsem san mo sta, from bifo hem i bin lidim plante man long rod we i stret gud.
Hosea 13:14 God i save tekemaot eni man long paoa blong ded. Paoa ya i stap long Hom blong ol Dedman, be i no save bitim paoa blong heven. Be God bambae i no sevem ol man we oli no obei long hem. Oli mas go long seken ded (Revelation 20:13-15).
2 Ol Kristin man Jisas i save tekem long heven
Jon 5:26-29 Long wan taem nomo long fujia, Jisas bambae i singaot long ol man we oli ded finis. Nao bambae oli girap, mo oli aot long beregraon. Sam blong olgeta bambae oli kasem laef we i gud we i gud. Be sam narafala long olgeta bambae oli pas long kot blong Jisas blong kasem panis.
Jon 14:1-3 Jisas i bin mekemrere wan gudgudfala ples long heven. Bambae hem i kambak bakegen blong tekem ol man we oli bilif long hem mo oli obei long hem. Bambae oli aot long wol ya, mo oli stap oltaem wetem Jisas long nuifala wol long heven (1Tesalonaeka 4:17).
Wok 1:11 "Ol man Galili*! ?From wanem yufala i stap stanap long ples ya, yufala i stap lukluk i go antap long skae olsem? Jisas ya we God i tekemaot hem long yufala, i tekem hem i go antap long heven, hem bambae i mas kambak bakegen long sem fasin ya we yufala i luk we hem i go antap."
1Pita 1:3-9 Jisas i save givim yumi wan gudfala hop we i stap tru mo i stap sua. Yumi no save luk long hem nao, be yumi save bilif long hem mo lavem hem tumas.
1Jon 3:2 Taem bambae God i soemaot Jisas long yumi, bambae yumi save kam olsem Jisas, from bambae yumi luk hem. Ale olsem sing i talem se “Face to face shall I behold him”.
Revelesen 1:7 "Yufala i luk. Naoia nomo, bambae Jisas i kam long klaod. Olgeta man bambae oli luk hem stret long ae blong olgeta."
Revelesen 21:1-7 "Nao mi luk niufala heven wetem niufala wol, tufala i stap. Heven mo wol we tufala i stap fastaem, tufala i lus finis, mo i no moa gat solwota i stap. Nao mi luk bigfala taon ya we i tabu, we hemia niufala Jerusalem ya. Hem i kamaot long God... !Yu luk! Naoia God i mekem ples blong hem wetem ol man. Hem bambae i stap oltaem wetem olgeta, mo olgeta bambae oli man blong hem. God bambae i kampani wetem olgeta, mo hem bambae i God blong olgeta... Bambae i no moa gat man i krae"
Revelesen 22:4 "Bambae olgeta oli stap luk fes blong God..."
3 ?Wanem yu mekem?
Sapos yu wantem olsem. ?Wanem yu mekem? Yu luk long letter blong Pol we i bin raetem long Rom. I gat sikis samting long hem we yu mas mekem. Plante narafala pasis long Bible tu i stap talem olsem ya, be i naf we yu luk long wan buk ya nomo fastaem.
- 1. Harem gudnuis long Jisas (Rom 10:11-17)
- 2. Bilif long Jisas (Rom 1:16-17, 8:34)
- 3. Tanem tingting blong yu (Rom 2:4-5, 6:1-2)
- 4. Telemaot bilif blong Jisas (Rom 10:8-10)
- 5. Baptaes blong tekemaot sin (Rom 6:3-4)
- 6. Mekem gud fasin blong laef (Rom 12:1-2,11-12)
"I am the way the truth and the life" (Jon 14:6)