Tru Toktok Blong Baebol
—Yu luk Baebol long Bislama
Yes, olsem wanem? Fastaem mi hop se evri lesen ya bambae i givim yu kakae blong gudhat blong yu. Yu stap fren blong mi. Tankyu tumas from bambae yuyu ridim samting we mi raetim finis. Tap any title next to an arrow in the list below.
➤ Yumi mas mekem wosip long Pikinini blong God Yu mas mekem wosip long Hae God we i God blong yu, mo bambae yu mas mekem wosip long hem nomo (Matiu 4:10) Be huia pikinini blong God? From wanem yumi mas mekem wosip long hem?
➤ Yumi mas folem ol toktok blong tru God nomo Yumi mas folem evri samting wanem Jisas i tijim long Nuitestamen blong Baebol. Yumi mas agensem ol samting we i no stret long toktok long buk ya, from buk ya i bin kamaot long Tru God long heven.
➤ Gudfala laef we i no save finis hem God i promis long yu God i bin mekem wan promes long Baebol, se blad blong Jisas Kraes i tekemaot ol sin blong ol man we oli bilif long hem mo folem toktok blong hem. Nao oli kasem laef we i no save finis (1Jon 1:7 1Jon 5:11-13).
➤ Wanem yumi mas mekem blong God bambae i sevem yumi? Sapos yu wantem we God bambae i nomo kros long yu, mo hem bambae i tekemaot olgeta sin blong yu. ?Wanem yu mas mekem?
➤ Jisas i bin givim laef blong hem we i stret olgeta From wanem Jisas i givim laef blong hem? Baebol i talem se, “From we Pikinini blong God i ded, hem i mekem yumi kam ol fren blong hem. Mo naoia, we yumi kam fren blong hem finis, oraet i klia moa se from we Kraes i laef bakegen, bambae God i sevem yumi” (Romans 5:10).
➤ Jisas Kraes i tekem ples blong yumi blong safa panis blong ol sin Jisas i bin safa panis long wan kros we i stanap long Kalvari. ?From wanem? Kraes we laef blong hem i stret olgeta, hem i tekem ples blong yufala we laef blong yufala i no stret.
➤ Naoia, bambae Kraes i kambak bakegen Naoia, bambae Kraes i Kambak Bakegen. Baebol i talem se “From we mi go blong mekemrere ples blong yufala, bambae mi kambak blong tekem yufala i kam stap wetem mi...” (Jon 14:2-3).
➤ Bambae yumi save luk Jisas stret long ae blong Yumi Samtaem long fujia bambae yu luk Jisas. ?Yu stap rere blong samting ya? Baebol i talem se, “Yufala i luk. Naoia nomo, bambae Jisas i kam long klaod. Olgeta man bambae oli luk hem stret long ae blong olgeta.” (Revelesen 1:7).
➤ Jos blong Kraes, i gat rod blong joenem olgeta Kristin man Jos blong Kraes, i gat rod blong joenem olgeta Kristin man we oli kam wan. Jos blong Kraes, hem i no jes wan narafala grup, we i divaedem ol Kristin man moa, nogat.
➤ Mekem stret wosip long God Ol man we oli mekem wosip long God, oli mas mekem long fasin ya we Spirit blong God, mo trutok blong God, tufala i stap givim long olgeta. (Jon 4:24)
➤ Tabu Spirit i stap givhan long yumi Long gladhat blong God, hem i givim Tabu Spirit long evri man we oli bilif long Jisas Kraes, mo oli tanem tingting long ol sin blong olgeta, mo oli baptaes long nem blong Jisas. Tabu Spirit ya, i stap givhan long olgeta, blong sevenfala samting. [Lesen ya i longfala, be yu yu save divaedem long tufala haf]
➤ Jisas i stanemap jos blong hem klosap 2000 yia i pas finis Nao i gat plante defren jos we oli stap long wol ya. Be Jisas i gat wan jos nomo. Jisas i talem se, “Bambae mi mi stanemap jos blong mi” (Matiu 16:18) Jisas i no bin brekem promes ya.
➤ Presen blong ol lanwis ya 'The Gift of Tongues' Long Baebol, I gat merikel ya, se toktok long ol lanwis. Merikel ya, oli kolem hem long Inglis, 'the gift of tongues' ?Merikel ya, i olsem wanem?
➤ Stori long saed blong wan wud Nambangga Bigfala wud Nambangga (Banian Tri) haf blong hem i faldaon finis. Afta, ol man blong vilej oli no save mekem wosip long spirit blong hem. Jisas Kraes, hem i tru God, mo hem i stamba blong laef we i no save finis (1Jon 5:20)
➤ Sid we man i planem Sapos yu planem sid blong pastek long garen blong yu. Sid ya i no save mekem pamken, i save mekem pastek nomo. Baebol i talem se, “Wanem sid we man i planem fastaem long garen blong hem, be frut blong hem nomo, man ya bambae i mas kakae” (Galesia 6:7)
➤ Jat blong Ol Buk long Baebol Hemia wan jat we i soemaot ol nem blong ol buk long Baebol. Mo tu, jat ya i telemaot smol samting lomgsaed blong wanwan buk ya.
➤ Wanem Pita i bin Prij long ol Wok Japta 2. Long lesen ya, bambae yumi traem blong haremsave moa long wanem Pita i bin prij long dei blong Pentekos. Tok blong Pita ya, i impoten tumas from we i telemaot stamba blong wanem yumi everiwan i mas bilif mo obei.
➤ Tenkomanmen i Stap long Oltestamen Nomo —Hemia wan lessen blong Baebol longsaed blong Tenkomanmen. Nao tenkomanmen ya, i stap long oltestamen nomo, we i bin kamtru long Moses. Tenkomanmen ya, i no stap long niutestamen we i kamtru long Jisas Kraes.
➤ Nambawan Samting long Laef blong Yu —Jisas i bin ting hevi longsaed blong fasin we ol man oli fulumap ol ae blong olgeta wetem ol samting blong wol ya. Oli tingting tumas long samting blong bodi, olsem klos mo kakae mo mane. Oli ting se sam samting blong wol i impoten moa i bitim samting blong obei long God we i King blong olgeta. Be samting blong king ya, hem i rili nambawan samting blong laef blong yumi. (Matiu 6:25-34).
➤ Hemia Tru Disaepol blong Kraes —Wanem fasin i blong disaepol blong Kraes? Long lesen ya, bambae yumi luksave ol sampting we i stap spesel long ol tru disaepol blong Jisas. Ol Kristin man, oli stap disaepol blong Jisas nomo, nao oli no stap disaepol blong narafala man long jos.
➤Yumi Mas Safa Tumas —Long ples ya Listra, igat ol man we oli bin agens Pol, oli stonem hem, oli dragem hem i aot long taon, mo oli livim hem long graon blong bambae hem i lus. Be Pol i laef afta we klosap hem i ded. Biaen, Pol i gobak bakagen long Listra blong leftemap tingting blong ol disaepol blong Kraes. Pol i talem olgeta se oli mas gohed long bilif long Jisas mo 'Long rod blong go insaed long niufala wol ya we God i king long hem, yumi save kasem plante trabol, be nating, yumi mas stanap strong' (Wok 14:19-22)
➤Jisas i bin Mekem Wan Sakrefaes —Taem we yumi kam stanap long fored blong fes blong God, yumi no gat paoa nating blong mekem se yumi klin long ae blong God. Nao God i sori tumas long yumi, mo hem i wantem blong forgivim olgeta koun ya, we yumi no save pembak. Nao God i save forgif, from Jisas Pikinini blong God, i givim blad blong hem blong mekem wan sakrefaes we i save wasemaot olgeta sin blong yumi.
➤ Wan Get we i Smol Nomo blong Go Insaed - Matiu 7:13-14 —Jisas i talem se, "Yufala i mas pas long get ya we i smol nomo blong go insaed. From we get ya we i bigwan, mo rod ya we i isi nomo, hemia i blong go lus. Mo plante man oli stap folem rod ya. Be get ya we i smol nomo, mo rod we i strong, hemia i blong go kasem laef, mo smol man nomo oli faenem".
➤ Jisas hem nao i Rod, mo Trutok, mo Laef - Jon 14:6 —Naos Jisas i talem long Tomas se, "Mi nao rod ya, mo mi mi stamba blong trutok, mo mi stamba blong laef. I no gat man i save kam long Papa blong mi, sipos mi mi no tekem hem i kam" (Jon 14:6).
➤Fastaem Noa i Stanemap Wan Olta blong Mekem Wosip long God — Afta bigfala wota i draonem olgeta wol, biaen Noa, mo famle blong hem, mo ol anamol wetem hem, oli bin kamaot long bigbigfala sip. Wanem faswan samting Noa i bin mekem? "Nao Noa i wokem wan olta blong mekem wosip long Hae God..." (Jenesis 8:13-22).
➤Hao Nao Bambae Yumi Usum Laef blong Yumi —Long lesen ya, yumi lanem se yumi mas usum tingting blong yumi blong savegud wod blong God. Biaen, yumi mas usum wod ya blong jenisem fasin blong laef blong yumi mekem se laef ya i gudwan, Nao yumi mas usum laef ya blong presem God mo leftemap nem blong hem.
➤Trifala Taem i Stap —Baebol lesen ya i isi wan, be sam pipol oli no stap lanem hem yet. Nao plante man oli no savegud Baebol. Lesen ya, i blong trifala taem se yumi stap long trifala, mo yumi mas savegud trifala taem ya. Faswan i sotfala nomo. Namba tu i longfala tumas. Namba tri i nogat stat o en blong hem.
➤ Nambawan Kwestin We Yumi Mas Askem —I gat wan kwestin we i impoten moa long evri narafala kwestin i stap. Kwestin ya i bitim evri kwestin we yumi save askem blong olgeta samting long wol ya. Kwestin ya, we i antap, i olsem se, “Wanem mi mas mekem blong God i sevem mi?” Yumi mas save askem wanem God i wantem se yumi mas mekem. Ansa long kwestin ya, i mas kam long trutok blong God long Baebol. Ansa ya i no mas kam long tingting blong yumi nomo.
➤ Trifala Kaen Man Nogud i Stap —Baebol i no letem fasin nogud i stap. Baebol i strong long stretem man nogud. Man we i tijim long Baebol, i no mas stap tok sofsof tumas agensem man nogud. Be ol man we oli mekem sin, oli no sem mak olgeta. Yumi mas skelem olgeta man ya, blong dil long defren fasin wetem wan wan long olgeta. Long lesen ya, bambae yumi lukluk long trifala kaen man we i mekem sin, mo defren fasin we tingting blong God i stap long wan wan blong trifala ya.
➤ Tingting blong ol Traboltaem —Part 1. Ol pipol oli safa ol traboltaem samtaem, mo tingting long ol hadtaem ya i defren long wan wan long olgeta. Sam i gat tingting we i no stret. Mi no min se tingting ya i sin, nogat. Be tingting ya i slak blong helpem olgeta stap strong long ol trabol blong olgeta, nao trabol i kam nogud moa.
➤ Tingting blong ol Traboltaem —Part 2. Ol pipol oli safa ol traboltaem samtaem, mo tingting long ol hadtaem ya i defren long wan wan long olgeta. Sam i gat gudfala tingting we i helpem olgeta se oli stap strong long ol trabol oltaem.
➤ Han blong God. —Baebol i samtaem tokbaot "han blong God" mo wanem han blong God ya i save mekem. Long lesen ya, bambae yumi tingbaot trifala samting we han blong God i save mekem.
➤ Tanem Sore nao i Kam Hapi (Aesea 53). —Lesen ya, i kamaot long Baebol, long Aesea japta 53. Nao sapos yu ting se japter ya i impoten tumas, i bitim ol narafala japta long buk blong Aesea, ale tingting blong yu i stret nomo. Aesea 53 hem i tok blong profet longsaed blong wan man we hem i safa panis blong helpem yumi, mekem se yumi save kam fren blong God. Hemia nao, man ya i Jisas Kraes.
➤ Jisas i Profet, Pris, mo King. —Jisas Kraes i stap haeman wetem haenem long trifala defren fasin ya. Nambawan i fasin blong profet. Nambatu i fasin blong pris. Nambatri i fasin blong king. Nao yumi tingbaot trifala samting ya.
➤ Trifala Spesel Hil. —Baebol i tokbaot sam hil we i stap long ol defren ples. Long disfala lesen, bambae yumi lukluk long trifala bigfala hil se, Maonten Ararat, Maonten Saenae, mo Maonten Saeon.
➤ Stanap Strong long Waes Mo Bilif (Jemes 1:2-8). —Lesen ya i kamaot long tok long Baebol long Jemes japta 1. Jemes i talem yumi se yumi mas stanap strong long taem we trabol i kam long laef blong yumi. Nao God i givim bigwan waes mo bilif long yumi.
➤ Daniel mo Drim blong King Nebukadnesa (Daniel 2). —King Nebukadnesa, hem i luk wan drim. Mo drim ya i mekem hem i wari tumas, i no save slip from. Nao hem i singaot ol waes man blong hem blong oli kam talemaot mining blong drim ya, be oli nogat ansa long king. Nao Daniel nomo i save ansarem king, from God blong hem i helpem hem.
➤ Tok Blong Jisas (Jon 14:1-11) —Long Baebol long Jon japta 14, ol vas 1 kasem 11, igat tok blong Jisas taem we hem i tokbaot heven finis, mo tufala aposol blong hem tufala i no savegud tok ya.
➤ God i Stamba Blong Pis (Filipae 4:1-9) —Disfala wol i no gat pis, i gat tumas trabol mo wari long hem olbaot. Long Baebol (Filipae 4:1-9), i talem se God i stamba blong pis mo i soemaot hao nao yumi save kasem pis mo hapi tingting.
➤ 1Tesalonaeka 5:12-23 —Long lastok blong Pol long 1Tesalonaeka 5:12-23, Pol i talemaot sam gudfala samting we ol Kristin man long jos blong Tesalonaeka oli mekem bifo. Nao i gud se yumi mekem olsem tu, from fasin ya i bildimap yumi se bambae yumi kam strong long bilif blong yumi.
➤ Wanem Jon i talem Longsaed blong Jisas long Revelesen 1:5 —Long disfala lesen bambae yumi tingbaot tok blong Jon long Revelesen japta wan vas faef. Long tok ya, Jon i talemaot faef gudfala samting blong Jisas Kraes.
➤ Hapi Niu Yia, Hapi Niu Yu —Niufala yia i stap, nao evri man i talem long yu se, !Hapi niu yia! Hao nao bambae yu save mekem tok ya i kam tru? Hao nao yu save kam hapi niu yu?
➤ Stadi blong Ol Wok Japta 1 —Japta wan ya, long Ol Wok (hemi buk blong Niutestamen blong Baebol) nao japta wan i soemaot fofala samting ya...
➤ Stadi blong Ol Wok Japta 2 —Japta tu ya, long Wok (hemi buk blong Niutestamen blong Baebol) nao japta 2 i gat trifala eksampol long hem, we i givhan long yumi blong yumi save wanem i prapa fasin blong trifala samting we i impoten tumas...
❖ Ol lesen ya, mi mi bin yusim finis long ol miting blong wosip long Childers Ostrelia long 2019/20. Ol man Vanuatu, we oli stap pikim frut, oli bin kam long miting ya. [ Translation: I used several of these lessons for worship meetings in Childers 2019/20, attended by fruit pickers from Vanuatu.]
longsaed blong Kopiraet: Olgeta lesen ya oli stap Copyright (C) Ron Graham 2000 be naoia mi mi letem evri man olgeta, oli stap fri blong usum ol lesen ya, mo mekem ol kopi blong seremaot long ol narafala man. Be oltaem mi nomo mi stap ona blong ol lesen ya.
TRANSLATION:
Regarding Copyright: All lessons [in this series] are Copyright (C) Ron Graham 2000 but certainly I allow everyone to freely use all these lessons and make copies to share out to other people. However I alone always remain owner of the lessons.
Bislama is the national language of Vanuatu. Bislama is one of several creoles spoken in Australia and islands of the Pacific.