Jon 14:1-11 Tok Blong Jisas
—Longsaed blong heven
Long Baebol long Jon japta 14, ol vas 1 kasem 11, igat tok blong Jisas taem we hem i tokbaot heven finis, mo tufala aposol blong hem tufala i no savegud tok ya (Jon 14:1-11).
Jon 14:1-11
1 Nao Jisas i talem long olgeta se, “Bambae yufala i no letem tingting blong yufala i trabol. Yufala i mas bilif long God, mo yufala i mas bilif long mi tu. 2 Long haos blong Papa blong mi, i gat plante rum i stap. Tok ya i tru, taswe mi talemaot long yufala. Naoia bambae mi mi go mekemrere ples blong yufala” (Jon 14:1-2).
3 “Mo from we mi go blong mekemrere ples blong yufala, bambae mi save kambak blong tekem yufala i kam stap wetem mi, blong bambae yufala i save stap long ples ya we mi bambae mi stap long hem. 4 Ples ya we bambae mi mi go long hem, yufala i save finis rod blong hem” (Jon 14:3-4).
5 Be Tomas i talem long hem se, “Masta, mifala i no save ples ya we bambae yu yu go long hem. ?Bambae mifala i save rod blong hem olsem wanem?” 6 Nao Jisas i talem long hem se, “Mi nao rod ya, mo mi mi stamba blong trutok, mo mi stamba blong laef. I no gat man i save kam long Papa blong mi, sipos mi mi no tekem hem i kam. 7 From we yufala i save mi, bambae yufala i save Papa blong mi tu. Yufala i luk hem finis, mo i stat naoia, yufala i save hem” (Jon 14:5-7).
8 Nao Filip i talem long hem se, “Masta, plis yu soemaot Papa blong yu long mifala. Hemia nomo mifala i wantem.” 9 Jisas i talem long hem se, “?Filip, mi mi stap longtaem finis wetem yufala, be yu no save mi yet? Man we i luk mi, hem i luk Papa blong mi. ?Olsem wanem yu yu talem se, 'Plis yu soemaot Papa blong yu long mifala'?” (Jon 14:8-9).
10 “?Yu yu no bilif se laef blong mi i stap joen long laef blong Papa blong mi, mo laef blong Papa blong mi i stap joen long laef blong mi? Ol tok ya we mi stap talem long yufala, oli no kamaot long mi. Papa blong mi we i stap oltaem long mi, hem nao i stap mekem ol wok ya blong hem. 11 Yufala i mas bilif long mi taem mi talem se, 'Laef blong mi i stap joen long laef blong Papa blong mi, mo laef blong Papa blong mi i stap joen long laef blong mi.' Be sipos no, yufala i mas bilif long mi from ol wok ya we mi stap mekem” (Jon 14:10-11).
Bislama Revised Bible © Bible Society of the South Pacific, 2012.
1 Tomas
Jisas i talem ol aposol long hem se hem bambae i go long haos blong Papa blong hem blong mekemrere wan gudgudfala ples. Taswe bambae hem i kambak blong tekem olgeta, oli kam long niufala ples ya. Nao oli kasem laef i stap long wanples wetem Jisas. Jisas i talem se, “Yufala i save finis rod blong ples ya” (Jon 14:2-4).
Be Tomas i no save mining blong tok ya. Hem i no save ples we Jisas bambae i go long hem. Taswe i no save rod blong ples ya (Jon 14:5). From wanem Tomas i no save ples ya? Tomas i no bin stap lisengud long Jisas, nao i no savegud we Jisas bambae i go long ples blong heven. Nao tingting blong Tomas i raon (Jon 14:5).
Tok blong Jisas i trutok nomo. Sapos evri dei yumi ridim sam tok blong hem mo tingbaot trutok ya, nao yumi savegud moa longsaed blong Jisas, mo Papa blong hem tu, mo rod ya we hem i wokem mekem se bambae yumi kasem heven (Jon 14:6-7).
2 Filip
Biaen Filip i talem Jisas se trutok blong Jisas i gat tumas samting long hem, mo ol aposol oli wantem wan samting nomo se Jisas i mas soemaot Papa blong hem long ol aposol mekem se oli luk hem (Jon 14:8).
Be Jisas il talem Filip se, i naf we ol aposol oli luk Jisas nomo, from we sapos oli save hem, nao oli save Papa blong hem tu, from Jisas mo Papa blong hem tufala i wanmak (Jon 14:9).
Sapos yumi wantem save Papa we i stap long heven, yumi mas save Jisas nomo. From tingting blong hem i sem mak wetem tingting blong Papa blong hem, mo tok blong Jisas i olsem tok blong Papa blong hem, mo laef blong tufala i wan mak wan wan. Sapos yumi save tingting ya, from yumi lisengod long trutok blong Jisas mo bilif mo obei long hem, ale bambae yumi save kasem laef ya tu. (Jon 14:10).
3 Jisas
Long lesen ya, yumi bin tingbaot toktok blong Tomas, mo toktok blong Filip mo tingting blong tufala ya. Mo yumi bin tingbaot ol ansa we Jisas i talem long tufala ya. Be Jisas i talem wan moa spesel samting we yumi mas tingbaot blong save.
Tok ya blong Jisas i olsem: "Yufala i mas bilif long mi taem mi talem se, 'Laef blong mi i stap joen long laef blong Papa blong mi, mo laef blong Papa blong mi i stap joen long laef blong mi.' Be sipos no, yufala i mas bilif long mi from ol wok ya we mi stap mekem"”" (Jon 14:11).
Wanem stamba blong trutok blong Jisas mo ol aposol blong hem? Namba wan, tok blong Jisas, evri wod blong hem, i kamaot long God nomo. Namba 2, Jisas i bin wokem ol merikel Nao plante merikel i stap, we hem i pruf se toktok blong Jisas i tru olgeta (Jon 14:11).